વાર્ષિક રૂ. 100 કરોડ જેટલી બચત થશે
(કુંજન રાડિયા)
જામ ખંભાળિયા : ભારતીય રેલ્વેના સો ટકા વિદ્યુતીકરણને ચાલુ રાખીને, સેન્ટ્રલ ઓર્ગેનાઈઝેશન ફોર રેલ્વે ઈલેક્ટ્રિફિકેશન (CORE) હેઠળના પ્રયાગરાજના અમદાવાદ યુનિટના રેલ્વે ઈલેક્ટ્રિફિકેશન વિભાગે રાજકોટ ડિવિઝનના રાજકોટ-ઓખા વિભાગને ચાલુ કરીને વધુ એક સિદ્ધિ મેળવી છે.
રેલવે ઇલેક્ટ્રિફિકેશન, અમદાવાદના મુખ્ય ચીફ પ્રોજેક્ટ ડાયરેક્ટરના એ.કે. ચૌધરીના નેતૃત્વ અને માર્ગદર્શન હેઠળ ઉત્કૃષ્ટ કાર્ય કરવામાં આવ્યું છે. ત્યારબાદ નવા ઇલેક્ટ્રિફાઇડ વિભાગમાં માલસામાન અને પેસેન્જર ટ્રેનના ઉદ્દઘાટન માટે ફરજિયાત સી.આર.એસ. નિરીક્ષણ દ્વારા ઉત્કૃષ્ટ કાર્ય પ્રાપ્ત કર્યું છે. સી.આર.એસ. આયોગના નિરીક્ષણ માટે વિભાગની ઓફર કરવામાં આવે તે પહેલાં ઇલેક્ટ્રિક લોકો પરીક્ષણ 110 કિ.મી. પ્રતિ કલાકની ઝડપે સફળતાપૂર્વક બે વાર પૂર્ણ કરવામાં આવ્યું છે. આર.કે. શર્મા, સી.આર.એસ. /ડબલ્યુ.સી. એ તા. બુધવારે 70 RKM અને 87 TKMની વિભાગીય લંબાઈ ધરાવતા ભાટિયા-ઓખાના વિભાગનું નિરીક્ષણ કર્યું છે અને તકનીકી બાજુ અને ઓ.એચ.ઈ. સિસ્ટમની વિશ્વસનીયતા અને સલામતી સુધારવા માટે સલાહ લીધી હતી.
સી.આર.એસ.એ પ્રિન્સીપલ ચીફ ઇલેક્ટ્રિકલ એન્જીનીયર પશ્ચિમ રેલ્વે, જી.એસ.ભાવરીયા અને વેસ્ટર્ન રેલવેના અધિકારીઓ તથા રાજકોટ ડિવિઝનલ રેલ્વે મેનેજર એ.કે. જૈન અને રાજકોટ ડિવિઝનના અધિકારીઓ સાથે વિભાગનું નિરીક્ષણ કર્યું હતું.
આ કમિશનિંગ રાજકોટથી ઓખા વાયા દ્વારકાની ખૂટતી લિંકને પૂર્ણ કરવાની દિશામાં એક પગલું પૂર્ણ કરવા તરફ દોરી જશે. જેને પવિત્ર યાત્રાધામ તરીકે પણ ઓળખવામાં આવે છે જ્યાં વિખ્યાત દ્વારકાધીશ મંદિર વિસ્તૃત રીતે બાંધેલા મુખ્ય મંદિર, કોતરવામાં આવેલા પ્રવેશદ્વાર અને ભગવાન કૃષ્ણની કાળા માર્બલની મૂર્તિ સાથે આવેલું છે. આ ઇલેક્ટ્રિફાઇડ સેક્શન ઇલેક્ટ્રીક ટ્રેક્શન સાથે ઝડપી અને બહેતર ટ્રેન સેવા કાર્ય કરશે. જે ભારતીય રેલ્વે પર નવીનતમ ગ્રીન ઉપક્રમ તરીકે ગ્રીન ઇન્ડિયાના મહત્વાકાંક્ષી મિશનને પણ પ્રોત્સાહન આપશે.
રેલ્વે ઇલેક્ટ્રિફિકેશનની વહેલી તકે પૂર્ણ થવાનો ફાયદો ખૂબ જ પ્રભાવશાળી છે. જે ડીઝલ લોકોમોટિવ્સ પરની નિર્ભરતા ઘટાડીને કાર્બન ફૂટપ્રિન્ટમાં ઘટાડો કરશે અને તેના પરિણામે વાર્ષિક આશરે રૂ. 100 કરોડની બચત થવાની ધારણા છે. જે ઇંધણની આયાતને કારણે નાણાકીય બોજમાં ઘટાડો કરવામાં ભારતને સમર્થન આપશે.
અમદાવાદની રેલવે ઇલેક્ટ્રિફિકેશન ટીમ દ્વારા ભાટિયાથી ઓખા સુધીના પ્રોજેક્ટને પૂર્ણ કરવા માટે, ઇલેક્ટ્રિકલ, સિવિલ અને સિગ્નલિંગ અને ટેલિકોમ કામો માટે આશરે રૂ. 103 કરોડના ખર્ચ સાથે છે.
