રાણ ગામે દંપતીને ગાળો કાઢી, મારી નાખવાની ધમકી સબબ પિતા-પુત્ર સામે ગુનો

(કુંજન રાડિયા) જામ ખંભાળિયા : કલ્યાણપુર તાલુકાના રાણ ગામે રહેતા નરશીભાઈ નારણભાઈ ડાભી નામના 52 વર્ષના સતવારા આધેડ તથા તેમના પત્નીને લાડુબેનને કોઈ કારણોસર બિભત્સ ગાળો કાઢી, માર મારી, જાનથી મારી નાખવાની ધમકી આપવા સબબ આ જ ગામના વેજા વેરશી મોવર અને દેવુ વેજા મોવર નામના બે શખ્સો સામે કલ્યાણપુર પોલીસ મથકમાં આઈ.પી.સી. કલમ 323, 504, 506 (2) તથા 114 મુજબ ગુનો નોંધવામાં આવ્યો છે.