ઈક્કો કારમાં 10 ઘેટાં ભરીને જતા શખ્સ સામે કાર્યવાહી
(કુંજન રાડિયા) જામ ખંભાળિયા : દેવભૂમિ દ્વારકા જિલ્લાના મીઠાપુર તાબેના ભીમરાણા ગામ નજીકના હાઈ-વે માર્ગ પરથી પસાર થતી જી.જે. 25 એ.એ. 3989 નંબરની એક મારુતિ ઈક્કો મોટરકારને અટકાવી સ્થાનિક પોલીસે ચેકિંગ કરતા, આ મોટરકારમાં 10 ઘેટાને લઇ જવાતા હોવાનું ખુલવા પામ્યું હતું.
ઈક્કો મોટરકારમાં એકસાથે ઠાંસીને ભરવામાં આવેલા 10 ઘેટાંઓ માટે ઘાસચારા કે પાણીની સગવડતા વગર ક્રૂર રીતે અને આ મુક પશુઓ હલન ચલન કરી ન શકે તેવી ત્રાસદાયક પરિસ્થિતિમાં ખીચોખીચ ભરીને જતા પોરબંદરના રહીશ અયુબ હસન ભાઈ બાબી નામના 45 વર્ષના મુસ્લિમ શખ્સ સામે પોલીસે ધ પ્રિવેન્શન ઓફ ક્રુઅલ્ટી એનિમલ એક્ટની કલમ મુજબ ગુનો નોંધ્યો છે. આ પ્રકરણમાં પોલીસે રૂ. 20 હજારની કિંમતના 10 ઘેટાં, એક મોબાઇલ ફોન તથા રૂ અઢી લાખની કિંમતની ઈક્કો મોટરકાર મળી, કુલ રૂપિયા 270,500 નો મુદ્દામાલ કબજે કરી, આ પ્રકારની આગળની તપાસ મીઠાપુરના પી.આઈ. જી.આર. ગઢવી દ્વારા હાથ ધરવામાં આવી છે.
