(કુંજન રાડિયા)જામ ખંભાળિયા : સરકાર દ્વારા દેશભરમાં 12 થી 14 વર્ષના બાળકોને કોરોના વેક્સિન આપવાનો પ્રારંભ આજથી કરવામાં આવ્યો છે. આ અંતર્ગત દેવભૂમિ દ્વારકા જિલ્લામાં પણ આજરોજ આરોગ્ય વિભાગ દ્વારા આ કામગીરી કરવામાં આવી હતી.
દેવભૂમિ દ્વારકા જિલ્લા આરોગ્ય શાખા દ્વારા આજે જિલ્લાના જુદા-જુદા 143 કેન્દ્ર પર 12 થી 14 વર્ષની વયના બાળકોને કોવિડ વેક્સિન આપવાનું આયોજન કરવામાં આવ્યું હતું. આ અંતર્ગત આજે પ્રથમ દિવસે ઉપરોક્ત વય જૂથના 5025 તરુણ બાળકોને કોવિડ વેક્સિન આપવામાં આવી હતી. આ ઉપરાંત આરોગ્ય વિભાગની ટીમ દ્વારા જિલ્લાની જુદી-જુદી શાળાઓમાં જઈને પણ બાળકોને આ રસી આપવામાં આવી હતી. આમ, પ્રથમ દિવસે નોંધપાત્ર સંખ્યામાં બાળકોને વેક્સિન અપાયા બાદ આ ઝુંબેશ આગામી દિવસોમાં પણ જારી રાખવામાં આવશે તેમ જિલ્લા આરોગ્ય અધિકારી ડો. રાજ સુતરીયા દ્વારા જણાવાયું છે.
